كيفية دخول عالم الراب و إنك تكون محترف فيه

السلام عليكم

شلون الشباب ان شاء الله بخير الكل

طبعا بداية الكلام عن عالم الراب نتكلم عن كثرة ضهور الرابرية في الوطن العربي في الوقت الحالي وكثرة مستمعي الراب في الوطن العربي هالشي
هوة الي ايخلي هواية من الشباب يدخلون هالمجال او التعمق من بعض الشباب في هالمجال وتشوف حاليا كل دول الوطن العربي بدت تضهر بيهة رابرية كبار ما شاء الله او نتمنالهم كل الموفقية بهذا المجال (( الراب العربي ))


طبعا احجي شوية عن مسيرة احتراف الراب او ننطيكم نبذة مختصرة عن هالشي او عن كيفية احتراف الراب بالنسبة الك كة بداية مشوار بعالم الراب

1_ مو كل شخص راح يكدر ايغني الراب بسهولة من اول مرة ليش ؟ صح تلكة او تقابل اشخاص كدرو ايحققون انجازات بالنسبة النفسهم بسرعة
بس اغلب الاشخاص ميكدرون ايوصلون نفسهم للمكان الصحيح بالراب من نقطة الصفر .. يعني لازم يتعب او يتعمق بهالمجال حتة يوصل للاحتراف

2_ كيفية معرفة ان كنت صالح لغناء الراب ام لا ؟
اهم شي بغناء الراب ايكون صوت الرابر عالي شي مهم هذا او شي ثاني لازم ايكون مع صوتك العالي . حماس .
ازيدك علم حتة تعرف نفسك قادر على ان تكون رابر حقيقي لازم تكتشف احسن الحركات بالراب بنفسك انتة .

حركات الراب مثلا : (( لمن تكون تشوف الرابر الحقيقي صاعد على ستيج مسرح او ديغني تشوفة الة اسلوبة الخاص بالغناء _ يعني تكتشف النفسك اسلوبك الخاص _ من غير هذا تشوف الرابر الحقيقي يسوي بالاغنية حركات عن طريق صوتة او عن طريق الهندسة الصوتية تكون شي مجمل للاغنية ))

3_ هل السن له علاقة بالراب ؟
اني بالنسبة الية اشوف انو السن مالة علاقة بالراب يعني (( 14 - 25 )) ايغنون راب او شي عادي

4_ اين اغني راب وما هي مستلزمات غناء الراب ؟

حتة تكدر تغني راب لازم ايكون عندك . كومبيوتر خاص بيك حتة تكدر تنظم كلشي خاص بهالمجال او بيك من هذي الناحية ناحية الراب
مثل خزن البرامج الجديدة الي تنزل وتتعلم عليهة او كذا وكذا ..
ثاني شي لازم ايكون عندك مايك حقيقي لغناء الراب مو اي مايك تستخدمة
او اذا كنت قادر على شراء (( سستم )) فة شي مهم لتشغيل الالحان من اجل بدء الغناء على هذه الالحان عن طريق السستم او يفيدك السستم بامور اخرى .

5_ نبذة مختصرة عن برامج الهندسة الصوتية المهمة لغناء الراب ؟

البرامج المهمة لغناء الراب وعمل هندسة صوتية احترافية :

COOL EDIT PRO 2.0 و Acostica mp3 audio mixer و GOLD WAVE.

طبعا برنامج كول ايديت برنامج رهيييب او يستخدمو رابرية حقيقيين مشاهير
في اغلب اغانيهم والملحنين ومهندسين الصوت كذالك .
مثل الرابر سنوب دوك والرابر دي ام اكس وغيرهم من الرابرية المشاهير .

6_ كيف اكون لنفسي اسلوب خاص وما هي اساليب الراب ؟

* اسلوب ال ( old school ) هذا اسلوب قديم بالراب او بنفس الوكت اسلوب صعب طبعا الي يتميز بي الرابر ( 2pac ) .

* اسلوب ال ( R&B ) وهذا الاسلوب الي تشوفة يغنى بالاغلب في الاغاني الرومانسية والهادفة ويعرف باختصار للكلمات مقارب شوية لل( rock )

* اسلوب ال ( هوستلا ستايل ) وهذا الاسلوب نشوفة حاليا يغنى بكثرة يعني لو تلاحض اب امريكا اغلب الرابرية يستخدمون هالاسلوب
وهو اسلوب شوارع وعصابات يعتمد على دقة الانتباه لللحن والسيطرة على الغناء مع معزوفة اللحن مرات او مع ايقاعات اللحن مرات
يعني اسلوب صعب جدا .. بس هنالك غناء كينكستا ستايل مقارب جدا للهوستلا ولاكن الفرق هنا الغناء بصيغة بطيئة اقل سرعة من اسلوب الهوستلا ستايل ..

(( طبعا كان هذا شرح او نبذة مختصرة عن عالم الراب او ما محتواه او ان شاء الله حكون متواصل وياكم او اقدملكم كيفية تعلم غناء الراب على شكل دروس والدروس على شكل مواضيع وترقم بارقام ونتمنة من الكل ان يستفيد منهة ))