السلام عليكم
شلونكم حبايبي
طبعا هذا موضوع خاص للمبتدائين
و شويه نصايح للمبتدائين و انشالله تستفيدون منها
كل مبتدا طبعا يحلم انه يوصل بسرعه للقمه والكل يعرفه صح ؟
كل مبتدا يتمنى ان يكون له جمهور يسمع له صح؟
اي مبتدا يتمنى انه ينافس الاقوى منه و يصير احسن صح؟
وتطول القائمه ^^
كيف تستطيع ان تبدا بدايه قويه !!
1- البحث عن موضوع مفيد او اغنيه هادفه ويكون لها تاثير
على المستمع (شلون تقدر تجذب انتباه المستمعين لك؟)
2-التميز و الاحتفاظ باسلوب ولون خاص لك (يعني لا تقلد احد
باسلوبه او بكلماته حاول انك تبني لك اسلوب خاص فيك ودايما
فكر بانك ما تقلد احد بالعكس خل غيرك يحاول يقلدك)
3-البحث عن لحن مناسب لموضوع الاغنيه (يعني مثلا اذا كانت
الاغنيه عاطفيه او حزينه ما ينفع انك تحط لحن سريع وتضحك
بالاغنيه و تصارخ و جنك تتهاوش - اذا كان دس تختار اللحن المناسب
و ما تنام مع على اللحن )
4- الدقه في اختيار الكلمات (تختار كلمات مناسبه وتكون على وزن
واحد ولا تدخل كلام ماله معنى بالاغنيه , وتحاول تشرح بكلماتك
موضوع الاغنيه بطريقه سهله ومفهومه)
5- الاداء (تغني على حسب الاغنيه يعني اذا كانت اغنيه
حزينه تعيش الدور مع لاغنيه و تغني "مو جنك قاعد تسولف مع
واحد قاعد يمك" واذا كان دس تعيش الدور و يكون فيك حماس)
6-طريقه التسجيل (يعني تهندس الصوت و اللحن و تضبط الكورس
يعني مو يكون صوت اللحن عالي و صوتك ما ينسمع و العكس
انه يكون صوتك فوق اللحن بوايد )
7- تسمع الاغنيه كذا مره قبل لا تنزلها , وتشوف هل انت راضي
عن نفسك ؟ هل هذا كل اللي تقدر تسويه , ما تقدر تسوى احسن
من هذا ؟؟
8- قبل لا تنزل الاغنيه تسمعها كذا شخص
تثق فيه وتثق بصراحه ويكون ما يجامل و تساله شرايك بالاغنيه
و تحاول تعدل اغلاطك , وتستقبل النقد و لا تزعل
لان كل غلطه منك وتتعلمها راح تفيدك بالمستقبل
واتمنى اكون اني قدرت اوصل لكم معلومه
وانشالله راح يكون في موضوع ثاني للمبتدائين بعد
اوضح فيه بعض الشغلات اللي ما تعرفونها
وشباب اي استفسار او اي سوال تقدرون
تحطونه هني بهالموضوع وانشالله بنساعدكم
انا او اي واحد عنده معلومه لا يبخل على الشباب
